एसपी केसीमाथि छानबिन

Share this
769shares
मुलुकी खबर
मुलुकी खबर
clock२०८३ बैशाख ७, सोमबार १२:४३

सप्तरी । जिल्ला प्रहरी कार्यालय सप्तरीका प्रमुख, प्रहरी उपरीक्षक (एसपी) गौतम केसीमाथि औपचारिक छानबिन सुरु भएको छ । एक सञ्चारकर्मीसँगको फोन संवाद सार्वजनिक भई सामाजिक सञ्जालमा तीव्र आलोचना भएपछि मधेश प्रदेश प्रहरी कार्यालयले यस विषयलाई गम्भीर रूपमा लिँदै अनुसन्धान अघि बढाएको हो ।

मधेश प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) गोविन्द थपलियाका अनुसार घटनाको यथार्थ पत्ता लगाउन पाँच सदस्यीय छानबिन समिति गठन गरिएको छ । प्रहरी वरिष्ठ उपरीक्षक (एसएसपी) कमल थापाको संयोजकत्वमा बनेको उक्त समितिलाई घटनासम्बन्धी सम्पूर्ण पक्षको अध्ययन गरी प्रतिवेदन पेस गर्ने जिम्मेवारी दिइएको छ ।

भाइरल अडियोमा एसपी केसी र तिलाठी कोइलाडी गाउँपालिका–४ का सञ्चारकर्मी प्रह्लाद सिंह ‘विक्की’बीच संवाद भएको दाबी गरिएको छ । उक्त संवादमा राजविराज नगरपालिका–३ का मुस्तकिम आलमलाई लक्षित गर्दै अपमानजनक तथा धम्कीपूर्ण भाषा प्रयोग भएको सुनिन्छ । अडियो सार्वजनिक भएपछि सामाजिक सञ्जालमा व्यापक आलोचना हुनुका साथै प्रहरी आचरणमाथि प्रश्न उठाइएको छ ।

यसैबीच, मुस्तकिम आलमले आफू अन्यायविरुद्ध आवाज उठाएको कारण एसपी केसीबाट दबाब र धम्की आएको आरोप लगाएका छन् । उनले केही दिनअघि पनि फोनमार्फत आफूलाई धम्क्याइएको दाबी गरेका छन् ।

साथै, आफूलाई फसाउन अरूमार्फत षड्यन्त्र भइरहेको समेत उनको भनाइ छ । घटनाका बारेमा प्रतिक्रिया लिने प्रयास गर्दा एसपी केसीसँग सम्पर्क हुन सकेन ।

यता, मधेश प्रदेश प्रहरी कार्यालयले भने छानबिन निष्पक्ष रूपमा गरिने र तथ्यका आधारमा आवश्यक कारबाही अघि बढाइने जनाएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.