पाँचथरमा ढुंगाले हानेर हत्या, एक जना प्रहरीको नियन्त्रणमा

Share this
726shares
मुलुकी खबर
मुलुकी खबर
clock२०८३ बैशाख १०, बिहीबार ०६:५६

पाँचथर । पाँचथरको हिलिहाङ गाउँपालिका–७ चुक्फारा स्थित सम्बेवा–एकचेप्पा भित्री सडक खण्डमा हत्या भएको अवस्थामा एक जनाको शव फेला परेको छ ।

जिल्ला प्रहरी कार्यालय पाँचथरका अनुसार ढुंगाले टाउकोमा हानेर हत्या गरिएको अवस्थामा हिलिहाङ गाउँपालिका–६ भारपाका ५२ वर्षीय धनप्रसाद यवाको शव भेटिएको हो । ढुंगाले टाउकोमा किचेर हत्या गरिएको अवस्थामा बुधबार साँझ करिब ६ बजेतिर शव फेला परेको प्रहरीले जनाएको छ ।

स्थानीयले शव देखेपछि प्रहरीलाई खबर गरेका थिए । घटनाको जानकारी पाएलगत्तै जिल्ला प्रहरी कार्यालय पाँचथरबाट इन्स्पेक्टर रामचन्द्र साह नेतृत्वको टोली घटनास्थल पगेको थियो । प्रारम्भिक अनुसन्धानबाट ढुंगाले टाउकोमा हानेर धनप्रसादको हत्या गरिएको पत्ता लागेको हो ।

प्रहरीले घटनामा संलग्न हुन सक्ने आशंकामा हिलिहाङ–७ का ५४ वर्षीय हरिचन्द्र योक्पाङदेनलाई नियन्त्रणमा लिएको छ । घटनामा उनको संलग्नता छ कि छैन भनेर यकिन हुन बाँकी रहेको प्रहरीले जनाएको छ ।

पक्राउ परेका योक्पाङदेनलाई थप अनुसन्धानका लागि जिल्ला प्रहरी कार्यालयमा राखिएको छ । आवश्यक कानुनी प्रक्रिया पूरा गरी शवलाई पोस्टमार्टमका लागि पठाएर थप अनुसन्धान अघि बढाइएको प्रहरीले जनाएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.