२०८३ वैशाख १४, सोमबार ०६:३२
रुपन्देही । रुपन्देहीमा बाबुको हत्या गरेको अभियोगमा एक युवक पक्राउ परेका छन् ।
कञ्चन गाउँपालिका–४ बेलडाँडाका २४ वर्षीय सुनील थारूले वैशाख ११ गते आफ्नै बुबा ५८ वर्षीय जंगबहादुर थारूको घाँटी अठ्याएर गम्भीर घाइते बनाएको प्रहरीले जनाएको छ । घटनापछि फरार रहेका उनलाई प्रहरीले नियन्त्रणमा लिएको हो ।
गम्भीर घाइते जंगबहादुरलाई उपचारका लागि कपिलवस्तुको पिपरा अस्पताल लगिएको थियो । त्यहाँ पुर्याउनसाथ चिकित्सकले मृत घोषणा गरेका थिए ।
जिल्ला प्रहरी कार्यालय रुपन्देहीका अनुसार अभियुक्तमाथि कर्तव्य ज्यान मुद्दामा अनुसन्धान अघि बढाइएको छ । घटनाको थप विवरण संकलन भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
