मोरङको बेलबारीबाट दाजुभाइ पक्राउ, १७ वर्षभन्दा बढी कैद

Share this
692shares
मुलुकी खबर
मुलुकी खबर
clock२०८३ बैशाख १६, बुधबार ०८:०३
उर्लाबारीमा जुवा खेलिरहेको अवस्थामा ८ जना पक्राउ 

विराटनगर । बलात्कार (जबरजस्ती करणी) मुद्दामा दोषी ठहर भएको लामो समयसम्म फरार रहेका दाजुभाइ मोरङको बेलबारीबाट पक्राउ परेका छन् ।

जनही १७ वर्षभन्दा बढी कैद सजाय तोकिएका बेलबारी नगरपालिका–५ का ५७ वर्षीय धनपाल भगत थारु र उनका दाजु भूपाल भगत भनिने भूपाल भगत थारुलाई मंगलबार साँझ पक्राउ गरिएको मोरङ प्रहरीका निमित्त सूचना अधिकारी, इन्स्पेक्टर लेखनाथ दाहालले बताए । उनका अनुसार दुवै जना जबरजस्ती करणी मुद्दामा दोषी ठहर भई लामो समयदेखि फरार रहँदै आएका थिए ।

दाजुभाइलाई नै उच्च अदालत विराटनगरले २०७७ फागुन ४ गते दोषी ठहर गर्दै जनही १७ वर्ष ५ महिना २१ दिन कैद सजाय हुने फैसला गरेको थियो । त्यसअघि दाजुभाइले नै जिल्ला अदालत मोरङबाट भने सफाइ पाएका थिए ।

जिल्लाको फैसला उल्टाउँदै उच्च अदालतले धनपाल र भूपाललाई दोषी ठहर गर्दै कैदको फैसला गरेको भए पनि सजाय भुक्तान नगरिकन लामो समयदेखि उनीहरु फरार रहेका थिए । घरमै लुकेर बसेको अवस्थामा दाजुभाइलाई नै पक्राउ गरिएको प्रहरीले जनाएको छ ।

पक्राउ परेका दुवै जनालाई इलाका प्रहरी कार्यालय बेलबारीमा राखिएको छ । उनीहरुलाई अदालतमा बुझाउने प्रहरीको तयारी छ । प्रहरीले बुझाएपछि दुवै जनालाई अदालतले कैद सजाय भुक्तानका लागि कारागार चलान गर्ने छ ।

प्रहरीका अनुसार लामो समयदेखि फरार रहेका सजाय प्राप्त व्यक्तिहरूलाई पक्राउ गर्न चुनौतीपूर्ण भए पनि नियमित निगरानी, सूचनाको विश्लेषण र स्थानीय स्तरको समन्वयका आधारमा उनीहरूको अवस्थाका बारेमा जानकारी प्राप्त भएको थियो । सोही सूचनाका आधारमा प्रहरीले पक्राउ गरेको इन्स्पेक्टर दाहाल बताउँछन् ।

पछिल्लो समय प्रहरीले फरार अभियुक्तहरूको खोजी र पक्राउ अभियानलाई तीव्र बनाएको छ । अदालतबाट दोषी ठहर भएर पनि सजाय भुक्तान नगरिकन फरार रहेकाहरुलाई पक्राउ गर्न अभियानलाई निरन्तरता दिइने प्रहरीको भनाइ छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.