रास्वपा सचिवालय बैठक आज बस्दै,अधिवेशन तालिकाबारे छलफल हुने

काठमाडौं। राष्ट्रिय स्वतन्त्र पार्टी (रास्वपा) को सचिवालय बैठक आज बस्दैछ। पार्टी सभापति रवि लामिछानेले समसामयिक राजनीतिक विषय र पार्टीको आन्तरिक सांगठनिक कामबारे छलफल गर्न बैठक बोलाएका हुन्।

पार्टी केन्द्रीय कार्यालय वनस्थलीमा साँझ ६ बजे बस्ने बैठकमा पार्टीको आगामी भेला र अधिवेशनको विशेष तालिकाबारे छलफल हुने रास्वपाले जनाएको छ। त्यस्तै, विभिन्न आयोग तथा विभागहरूमा पदाधिकारी मनोनयन, केही जिल्ला समितिहरूको विघटन र अनुशासनात्मक कारबाहीका विषय पनि बैठकका मुख्य एजेन्डा रहेका छन्।

Advertisement

बैठकले केन्द्रीय समितिको आगामी बैठकको मिति तय गर्नुका साथै पार्टीको साङ्गठनिक सुदृढीकरणका लागि आवश्यक रणनीति बनाउने बताइएको छ। नयाँ राजनीतिक घटनाक्रम र पार्टीको भूमिकाबारे समेत सचिवालयमा समीक्षा हुनेछ।