विराटनगरमा देउवा–सिटौला समूहको भेला : केदार कार्की गए, सभापति थापा देखिएनन्

विराटनगर । नेपाली कांग्रेसको शेरबहादुर देउवा र कृष्णप्रसाद सिटौला समूहको भेला विराटनगरमा जारी छ । बिग होटलमा जारी भेलामा प्रदेशका इतरसमूहका ३०–३५ जना नेताहरू सहभागी छन् ।

कृष्णप्रसाद सिटौला र मीनबहादुर विश्वकर्मा सहभागी भेलामा कोशी प्रदेशका मन्त्री भीम पराजुली र सांसदहरू पनि सहभागी छन् । भेलामा डाक्टर शेखर कोइराला समूहका नेता तथा कोशी प्रदेशका पूर्वमुख्यमन्त्री केदार कार्की पनि सहभागी छन् । उनी कांग्रेसको विशेष महाधिवेशनमा पनि पुगेका थिए ।

Advertisement

प्रदेशको पर्यटन मन्त्री तथा इतर पक्षका नेता भीम पराजुलीका अनुसार पार्टीको आन्तरिक विषयमा छलफल गर्नका लागि भेला बोलाइएको हो । भेलामा कांग्रेस कोशी प्रदेशका सभापति उद्धव थापा भने उपस्थित छैनन् । सिटौला समूहका नेता उनी भेलामा नदेखिएका हुन् ।