हर्क साम्पाङसहित सांसदहरूद्वारा संसद् बहिष्कार

Share this
721shares
मुलुकी खबर
मुलुकी खबर
clock२०८३ बैशाख ३०, बुधबार १३:०७

काठमाडौं । आगामी आर्थिक वर्षको नीति तथा कार्यक्रममाथिको छलफलका क्रममा प्रधानमन्त्री बालेन्द्र (बालेन) शाह संसद्मा अनुपस्थित भएपछि राजनीतिक तनाव चुलिएको छ ।

प्रधानमन्त्रीले नीति तथा कार्यक्रमको जवाफ दिनुपर्ने सत्रमा उनी नदेखिएपछि विपक्षी सांसदहरूले कडा आपत्ति जनाएका छन् । प्रधानमन्त्रीको सट्टा अर्थमन्त्री डा. स्वर्णिम वाग्लेले जवाफ दिन थालेपछि विपक्षी दलहरूले त्यसलाई अस्वीकार्य भन्दै संसद्मा अवरोध गरेका थिए ।

उनीहरूले प्रधानमन्त्री स्वयं उपस्थित हुनुपर्ने माग गर्दै तत्कालै विरोध जनाएका हुन् । यसैबीच, प्रतिनिधिसभा सदस्य एवं श्रम संस्कृति पार्टीका अध्यक्ष हर्क साम्पाङ (हर्कराज राई)सहितका सांसदहरूले संसद् बैठक बहिष्कार गर्दै बाहिरिएका छन् । उनीहरूले प्रधानमन्त्रीको अनुपस्थितिलाई गैरजिम्मेवार कदम भन्दै कडा आलोचना गरेका छन् ।

विपक्षी सांसदहरूले प्रधानमन्त्रीको खोजी गर्दै संसद् परिसरमै नाराबाजीसमेत गरेका थिए । उनीहरूले प्रधानमन्त्रीको राजीनामासमेत माग गर्दै परिस्थितिलाई थप चर्काएका छन् ।

नीति तथा कार्यक्रममाथिको छलफल सुरु गर्ने कार्यसूची रहे पनि प्रधानमन्त्रीको अनुपस्थितिले बैठकको कार्यवाही प्रभावित भएको छ । राजनीतिक तनावका कारण संसद् परिसर केही समय असहज बनेको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.