भारतमा बढ्यो पेट्रोलियमको मूल्य

काठमाडौं । भारतमा पेट्रोलियम पदार्थको मूल्य फेरि बढेको छ । पछिल्लो १० दिनमा पेट्रोल र डिजेलको मूल्य तेस्रोपटक वृद्धि भएको हो ।

भारतीय अधिकारीहरुका अनुसा आज (शनिबार) बिहान ६ बजेदेखि लागू हुने गरी पेट्रोलमा ८७ पैसा र डिजेलमा ९१ पैसाले मूल्य बढेको हो । यससँगै राजधानी दिल्लीमा पेट्रोलको मूल्य प्रतिलिटर ९९.५१ भारतीय रुपैयाँ र डिजेल ९२.४९ रुपैयाँ पुगेको छ ।

Advertisement

यसअघि मे १६ र मे १९ मा पनि लगातार मूल्यवृद्धि गरिएको थियो । मध्यपूर्वमा बढ्दो तनाव र आपूर्ति शृङखलामा देखिएको दबाबका कारण अन्तर्राष्ट्रिय बजारमा कच्चा तेलको मूल्य बढ्दै गएपछि भारतमा यसको प्रत्यक्ष असर परेको हो ।

मूल्यवृद्धिपछि सार्वजनिक यातायात, मालबाहक ट्रक र अन्य सवारी साधनको भाडा बढ्ने सम्भावना रहेको भारतीय सञ्चारमाध्यमहरूले जनाएका छन् । यसले नेपालसहित सीमावर्ती क्षेत्रमा पनि पेट्रोलियमको आपूर्ति र मूल्यमा दबाब पर्ने अनुमान गरिएको छ ।

आगामी दिनमा इन्धन ढुवानी तथा दैनिक उपभोग्य वस्तुहरूको लागत समेत प्रभावित हुन सक्ने बताइएको छ । विशेषगरी ढुवानी भाडामा असर देखिने सम्भावना छ । यसको असर निकट भविष्यमा पर्न सक्छ ।