‘प्रधानमन्त्रीले बोल्नुअघि सोच्नुपर्छ’

काठमाडौं । प्रधानमन्त्री बालेन शाहले संसद्‌मा सीमा विवादका विषयमा दिएको अभिव्यक्तिप्रति नेपाली कांग्रेसका उपसभापति विश्वप्रकाश शर्माले आपत्ति जनाएका छन् । सामाजिक सञ्जालमार्फत शर्माले आपत्ति जनाएका हुन् । उनले प्रधानमन्त्रीले बोल्नुअघि दर्जनपटक सोच्नुपर्ने बताए ।

उनले कूटनीतिक प्रश्नमा संयम र परिपक्कता झनै जरुरी हुने बताएका छन् । उनले यसबारे प्रधानमन्त्रीको पार्टी रास्वपाको धारणा पनि माग गरेका छन् । ‘देशको प्रधानमन्त्रीले बोल्नुअघि दर्जनपटक सोचेर बोल्नुपर्छ । संवेदनशील कूटनैतिक प्रश्नमा संयम र परिपक्वता झनै जरुरी हुन्छ,’ शर्माले लेखेका छन्, ‘सरकार बालेनको मत प्रधान कि ? व्यक्ति बालेन को मत मुख्य ? रास्वपाको धारणा के हो ? सीमा मिचेका हौं कि मिचाइमा परेका हामी थप विभक्त हुन लागेका हौं ?’

Advertisement