प्रतिनिधिसभा बैठकमा विपक्षी दलहरुकाे अवराेध, प्रधानमन्त्रीले माफी माग्नु पर्ने शर्त

Share this
643shares
मुलुकी खबर
मुलुकी खबर
clock२०८३ जेठ २५, सोमबार १३:१५

काठमाडौं । प्रतिनिधिसभा बैठकमा विपक्षी दलहरूले अवरोध गरेका छन् । साेमबारकाे बैठकमा विपक्षी दलका सबै सांसदहरू उठेर विरोध गरिरहेका छन् ।

उनीहरूले प्रधानमन्त्री बालेन शाहको अभिव्यक्तिप्रति आपत्ति जनाउँदै संसद् बैठकमा अवरोध गर्दै आएका छन् । एमाले सांसद पदमा अर्यालले प्रधानमन्त्री बालेन शाहले बाेलकाे अभिव्यक्ति सच्याउनु पर्ने बताइन् ।

श्रम संस्कृति पार्टी संसदीय दलका नेता हर्कराज राईले प्रधानमन्त्री बालेन्द्र शाहले सीमाकाे विवादका विषयमा दिएकाे अभिव्यक्ति सच्याउनु पर्ने बताए । प्रधानमन्त्रीकाे अभिव्यक्ति नसच्चिएसम्म संसदमा अन्य विषयमाथि छलफल नहुने बताए ।

नेकपाका सांसद वर्षमान पुनले प्रधानमन्त्रीकाे अभिव्यक्ति सच्याउनु पर्ने बताए । सीमाकाे जस्ताे गम्भीर विषयमा प्रधानमन्त्रीले सदनमा आएर आफ्नाे भनाई सच्याउनु पर्ने बताए ।

आजै बसेको सर्वदलीय बैठकमा पनि यसबारे छलफल भएको थियो  । बैठकमा सत्ता र विपक्षी दलहरूबीच सहमित जुट्न सकेन ।

बैठकमा सत्तारुढ दलका नेताहरूले भारत भ्रमण र सीमा विवाद लगायतका विषयमा सभापति रवि लामिछाने र परराष्ट्रमन्त्री शिशिर खनालले बोल्ने प्रस्ताव राखेका थिए ।  विपक्षी दलहरूले प्रस्ताव अस्वीकार गरेका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.