सुनचाँदीको मूल्यमा गिरावट 

विराटनगर । नेपाली बजारको पहिलो दिन आइतबार (आज) सुन तथा चाँदीको मूल्यमा गिरावट आएको छ ।
बजारमा आइतबार सुनको मूल्य प्रतितोला १ हजार ८ सय रुपैयाँ घटेको छ भने चाँदीको मूल्य प्रतितोला ४५ रुपैयाँले घटेको नेपाल सुनचाँदी व्यवसायी महासंघले जनाएको छ ।

आइतबार बजारमा सुन प्रतितोला २ लाख ८३ हजार २ सय रुपैयाँ कायम भएको महासंघले जनाएको छ । शुक्रबार सुन प्रतितोला २ लाख ८५ हजार रुपैयाँमा कारोबार भएको थियो ।

Advertisement

त्यसैगरी, आइतबार चाँदीको मूल्य प्रतितोला ४ हजार ३ सय १५ रुपैयाँ कायम भएको महासंघले जनाएको छ । शुक्रबार चाँदी प्रतितोला ४ हजार ३ सय ६० रुपैयाँमा कारोबार भएको थियो ।