२०८३ श्रावण १७, आइतबार १२:५९
इलाम । एचकेआर प्रोडक्सन हाउसको आयोजनामा दुई वटा नयाँ म्युजिक भिडियोको औपचारिक विमोचन गरिएको छ । विमोचन गरिएका म्युजिक भिडियोमध्ये ‘तिर्खाले खोली धाएको’ बोलको गीतमार्फत अंकिता अधिकारीले अभिनय क्षेत्रमा डेब्यु गरिन् ।
यस गीतमा डिपी खनालको शब्द, शंकर थापा ‘स्माइल’को संगीत तथा सोनिया गोङ्बा र सन्तोष राईको स्वर छ । त्यसैगरी ‘यो आँखाले’ बोलको म्युजिक भिडियोमार्फत सिक्कुमा लिम्बूले पनि अभिनय क्षेत्रमा डेब्यु गरिन् ।
दुवै म्युजिक भिडियोमा चर्चित कलाकार मुकेश गुरुङको अभिनय छ । कार्यक्रमको प्रमुख अतिथिका रूपमा सूर्योदय नगरपालिका–९ का वडाध्यक्ष देवेन्द्र शर्मा उपस्थित थिए । उनले दुवै म्युजिक भिडियोको औपचारिक विमोचन गरे ।
आयोजकका अनुसार यी दुवै म्युजिक भिडियो छिट्टै दुई फरक युट्युब च्यानलमार्फत सार्वजनिक गरिनेछ । भिडियो सार्वजनिक भएपछि हेरेर, सेयर गरी तथा आफ्नो प्रतिक्रिया दिएर कलाकार र निर्माण टिमलाई हौसला प्रदान गरिदिन आयोजकले सबै दर्शक तथा शुभेच्छुकहरूसँग अनुरोध गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
