२० औँ एसियाली खेलकुद: उत्कृष्ट प्रदर्शनका लागि मन्त्री पोखरेलको खेलाडीलाई प्रोत्साहन

Share this
693shares
मुलुकी खबर
मुलुकी खबर
clock२०८३ साउन २३, शनिबार १९:१३
२० औँ एसियाली खेलकुदको तयारी: उत्कृष्ट प्रदर्शनका लागि मन्त्री पोखरेलको खेलाडीलाई प्रोत्साहन

काठमाडौं । शिक्षा, विज्ञान तथा प्रविधि एवं खेलकुद मन्त्री सस्मित पोखरेलले आगामी २० औँ एसियाली खेलकुद (एसियाड) को बन्द प्रशिक्षणमा रहेका खेलाडीहरूलाई आफ्नो उत्कृष्ट प्रदर्शन गर्ने प्रयास गर्न आग्रह गरे ।

एसियाडमा सहभागी हुने खेलाडीहरूको तयारी र उनीहरूको अवस्थाबारे जानकारी लिन शनिबार गौशालास्थित पशुपति बुटिक पुगेका मन्त्री पोखरेलले खेलाडीहरूसँगको भेटमा सो कुरा बताएका हुन् । हाल बन्द प्रशिक्षणमा रहेका खेलाडीहरूलाई पशुपति बुटिक र सिनामंगलस्थित रोयल बुटिकमा राखिएको छ ।

खेलाडीहरूलाई सम्बोधन गर्दै मन्त्री पोखरेलले शिक्षा र खेलकुद दुवै क्षेत्र दीर्घकालीन लगानीका क्षेत्र भएको उल्लेख गरे । ‘शिक्षा र खेलकुद आज लगानी गरेर भोलि नै नतिजा आउने क्षेत्र होइनन्,’ उनले भने, ‘तर लङ टर्म लगानीको नतिजा अवश्य देखिने छ । म खेल क्षेत्र र खेलाडीका समस्या समाधान गर्न पूर्ण प्रतिबद्ध छु ।’ सो अवसरमा उनले १० औँ राष्ट्रिय खेलकुद यसै वर्ष सम्पन्न हुने जानकारी समेत दिए ।

भेटका क्रममा टेनिस खेलाडी प्रदीप खड्काले राष्ट्रिय टिमको बन्द प्रशिक्षणमा बस्न पाउनु गर्वको विषय भएको बताए । उनले खेलाडीको भावना प्रत्यक्ष बुझ्न खेलकुद मन्त्री स्वयं प्रशिक्षण स्थलमा उपस्थित भएकोमा धन्यवाद समेत व्यक्त गरे ।

त्यस्तै, एसियाली खेलकुदकी ऐतिहासिक रजत पदक विजेता कराँते खेलाडी एरिका गुरुङले ‘मिसन–२०२६’ को तयारीले खेलाडीहरूलाई धेरै फाइदा पुगेको बताइन् । उनले आगामी प्रतियोगितामा उत्कृष्ट नतिजा दिन खेलाडीहरूले हर सम्भव प्रयास गर्ने प्रतिबद्धता जनाइन् ।

भलिबलका मुख्य प्रशिक्षक जगदीश भट्टले भने प्रशिक्षकको दक्षतामा जोड दिँदै, भने, ‘अब्बल प्रशिक्षक भए मात्र अब्बल खेलाडी उत्पादन गर्न सकिन्छ, त्यसैले प्रशिक्षकहरूको क्षमता अभिवृद्धिमा पनि उत्तिकै ध्यान दिनु जरुरी छ ।’

कार्यक्रममा राष्ट्रिय खेलकुद परिषद् (राखेप) का उपाध्यक्ष विशाल श्रेष्ठ, राखेप कार्यकारी समितिकी सदस्य सिक्का सुवाल श्रेष्ठलगायतको उपस्थिति रहेको थियो ।

तपाइको प्रतिक्रिया
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
© 2024 Muluki Khabar. All Rights Reserved. Design & Develop By: Indesign Media Pvt. Ltd.