राष्ट्रिय सभाको बैठक आज बस्दै: मन्त्रीहरूले प्रश्नको उत्तर दिने 

Share this
740shares
मुलुकी खबर
मुलुकी खबर
clock२०८३ भदौ ५, शुक्रबार ०६:५६
राष्ट्रिय सभाको बैठक आज बस्दै: मन्त्रीहरूले प्रश्नको उत्तर दिने 

काठमाडौं । संघीय संसद्अन्तर्गत राष्ट्रिय सभाको बैठक आज (शुक्रबार) बस्दैछ । बैठक नयाँ बानेश्वरस्थित संघीय संसद् भवनमा दिउँसो १ः१५ बजे सुरु हुने संसद् सचिवालयले जनाएको छ ।

आजको बैठकमा दुई वटा मुख्य कार्यसूची रहेका छन् । पहिलो कार्यसूची अनुसार, अर्थ मन्त्रालय र गृह मन्त्रालयसँग सम्बन्धित मौखिक प्रश्नहरूको सम्बन्धित मन्त्रीहरूले उत्तर दिने कार्यक्रम छ । सांसदहरूले विभिन्न समसामयिक विषयमा सोधेका प्रश्नहरूको जवाफ अर्थमन्त्री र गृहमन्त्रीले दिने सम्भावित कार्यसूचीमा उल्लेख छ ।

यसैगरी, बैठकको अर्को मुख्य आकर्षणको रूपमा  ‘नेपाल विशेष सेवा ऐन, २०४२ को साबिकको व्यवस्था जगाउनेसम्बन्धी विधेयक, २०८३’ रहनेछ। उक्त विधेयकमाथि विचार गरियोस् भन्ने प्रस्ताव प्रधानमन्त्रीको तर्फबाट सभा समक्ष प्रस्तुत गरिने छ ।

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.