२०८३ भाद्र १६, मंगलबार १९:३९
काठमाडौं । नेपाल अन्तर्राष्ट्रिय तेक्वान्दो महासंघले भोटेकोशी क्षेत्रका बाढीपीडितहरूको राहत तथा उद्धारका लागि एक लाख रुपैयाँ आर्थिक सहयोग गरेको छ ।
महासंघको पदाधिकारी बैठकको निर्णय अनुसार उक्त रकम प्रधानमन्त्री दैवी प्रकोप उद्धार कोषमा जम्मा गरिएको हो । प्राकृतिक विपद्को समयमा पीडित नागरिकहरूप्रति ऐक्यबद्धता जनाउँदै महासंघले आफ्नो सामाजिक उत्तरदायित्व अन्तर्गत सो सहयोग प्रदान गरेको जनाएको छ ।
महासंघका अध्यक्ष प्रवीणकुमार कार्कीका अनुसार महासंघले यसअघि २०७२ सालको विनाशकारी भूकम्पका बेला प्रभावितहरूलाई राहत सामग्री वितरण गरी मानवीय सहयोग पुर्याएको थियो ।
विपद्को समयमा नागरिकको घाउमा मलम लगाउन सहयोग गर्नु महासंघको मानवीय प्रतिबद्धताको निरन्तरता भएको अध्यक्ष कार्कीले बताए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×