२०८३ भाद्र १०, बुधबार १२:४३
काठमाडौं । बाढीका कारण रसुवाका विभिन्न स्थानमा फसेका १२ जनाको हेलिकप्टरमार्फत उद्धार गरिएको छ । नेपाली सेनाका अनुसार भोटेकोशीमा आएको बाढीमा फसेका उनीहरूमध्ये स्याफ्रुबेसीबाट ६, मैलुङबाट २ र धुन्चेबाट ४ जनाको उद्धार गरिएको हो ।
बाढी प्रभावित क्षेत्रमा उद्धार तथा राहतका लागि नेपाली सेनाका ४ र निजी क्षेत्रका ८ गरी १२ वटा हेलिकप्टर परिचालन गरिएको छ । बाढी प्रभावितको उद्धारका लागि निजी हेलिकप्टरले छुट्टै सरकारी अनुमति लिन नपर्ने व्यवस्था गरिएको छ ।
यसैबीच, उद्धार, राहत तथा खोजीमा खटिएका हेलिकप्टरलाई इन्धनको सहज व्यवस्था गर्न नेपाल आयल निगमले काठमाडौंस्थित डिपोबाट हवाई इन्धनसहितको ट्यांकर नुवाकोटको त्रिशूली पठाएको छ । नेपाली सेनाको मेडिकल टोलीले पनि त्रिशूलीस्थित नं. १ सैन्य तालिम केन्द्रमा आकस्मिक उपचार सेवा सुरु गरेको जनाएको छ । बाढीबाट ठूलो भौतिक क्षति भएको र सम्पर्कविहीन व्यक्तिको संख्या अझै यकिन हुन सकेको छैन ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×