बाढीबाट ५३ झोलुंगे पुलमा क्षति, २० वटाको मर्मत सुरु

Share this
803shares
मुलुकी खबर
मुलुकी खबर
clock२०८३ भदौ १९, शुक्रबार १८:२०

काठमाडौं । सरकारले रसुवाको भोटेकोशी नदीमा आएको भीषण बाढीबाट क्षतिग्रस्त २० वटा झोलुंगे पुलको मर्मत सुरु गरेको जनाएको छ । प्रधानमन्त्री तथा मन्त्रिपरिषद् कार्यालयका अनुसार मुग्लिङदेखि टिमुरेसम्म रहेका ६४ वटा पुलमध्ये ५३ वटामा बाढीले क्षति पुर्‍याएको थियो । प्रभावित क्षेत्रमा गरिएको स्थलगत मूल्याङ्कनपछि तीमध्ये २० वटा पुल मर्मत गर्नुपर्ने निष्कर्ष निकालिएको हो ।

क्षतिग्रस्त पुल मर्मतका लागि सरकारले भदौ १७ गते कार्यादेश जारी गरेको थियो । हाल महेश दोभान–मास्टार, कालिकाथान, मलिङ्गा–मझुवाटार, केउरेनी–गहते र पिमलटार–जागराम खोला झोलुङ्गे पुलको मर्मतमा प्रगति भइरहेको छ । यी पाँच पुलको मर्मत एक महिनाभित्र सम्पन्न गर्ने लक्ष्य राखिएको छ ।

बाढीबाट क्षतिग्रस्त थप ३३ वटा झोलुङ्गे पुल भने पुनःनिर्माण गर्नुपर्ने भएकाले सरकारले भदौ १७ गते नै बोलपत्र आह्वान गरिसकेको जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.