२०८३ आश्विन ६, मंगलबार १३:४४
काठमाडौं । राजनीतिक विश्लेषक भरत (भरतमणि) दाहालको तर्फबाट सर्वोच्च अदालतमा दायर भएको बन्दीप्रत्यक्षीकरणको रिट निवेदनमा कारण देखाउ आदेश जारी भएको छ ।
दाहाललाई आइतबार प्रहरीले मोरङको बेलबारीबाट पक्राउ गरेको थियो । आफ्नो युट्युब च्यानलमार्फत भूराजनीति र उच्च राजनीतिक व्यक्तित्वबारे भ्रामक प्रचार गरेको आरोपमा प्रहरीले उनलाई नियन्त्रणमा लिएको हो ।
दाहालकी छोरी डेनिकाले सर्वोच्च अदालतमा बन्दीप्रत्यक्षीकरणको रिट निवेदन दायर गरेकी थिइन् । उक्त रिटमाथि आज (मंगलबार) न्यायाधीश कुमार रेग्मीको इजलासमा सुनुवाइ भएको हो ।
सुनुवाइपछि इजलासले दाहाललाई पक्राउ गर्नुको कारणसहित लिखित जवाफ पेस गर्न सरकारका नाममा आदेश दिएको छ । सरकारको जवाफ आएपछि अर्को पेसी तोकिनेछ। त्यसपछि अदालतले बन्दीप्रत्यक्षीकरणको रिट जारी हुने वा नहुनेबारे निर्णय गर्नेछ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×