२०८३ आश्विन २८, बुधबार २०:०४
काठमाडौं । अवैध रूपमा नेपाल प्रवेश गरी काठमाडौंका विभिन्न स्थानमा लुकिछिपी बस्दै आएका १० जना विदेशी नागरिक पक्राउ परेका छन् ।
सशस्त्र प्रहरी बल नेपालको इन्टेलिजेन्स ब्युरोले बुधबार उनीहरूलाई नियन्त्रणमा लिएर अध्यागमन विभागको जिम्मा लगाएको हो ।
पक्राउ पर्नेमा ४५ वर्षीय मोहमद मुक्तर होसेन, ३९ वर्षीय अब्बास अली, ४६ वर्षीय रफिक आलम, ४० वर्षीय मोहम्मद अरिफ सोसन, ३० वर्षीय अजिजुल, २९ वर्षीय अब्दुल, ३७ वर्षीय मोहम्मद आलम करिम, ३६ वर्षीय मेहेताब मण्डल, २० वर्षीय रातुल इस्लाम र ३० वर्षीय बसर खान रहेका छन् ।
सशस्त्र प्रहरी बल नेपालका सहप्रवक्ता शैलेन्द्र थापाका अनुसार उनीहरूलाई सशस्त्र प्रहरी बल नेपाल नं. १८ गण हेक्वा (विशिष्ट व्यक्ति तथा महत्त्वपूर्ण प्रतिष्ठान सुरक्षा) बाघभैरवको टोलीले पक्राउ गरेको हो ।
पक्राउ परेका सबैलाई आवश्यक अनुसन्धान तथा थप कारबाहीका लागि अध्यागमन विभागको जिम्मा लगाइएको सशस्त्र प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×