गौरको कानुपट्टी सीमा क्षेत्रबाट ९ एमएमका २७ थान गोली बरामद

Share this
741shares
मुलुकी खबर
मुलुकी खबर
clock२०८३ मंसिर २, बुधबार १०:३४

काठमाडौं । रौतहटको गौर नगरपालिका–१ स्थित कानुपट्टी सीमा क्षेत्रबाट ९ एमएमका २७ थान गोली बरामद गरिएको छ।

सशस्त्र प्रहरी बल नेपालका सीमा सुरक्षा गुल्म हेड क्वाटर गौर र भन्सार सुरक्षा गार्ड गौरबाट खटिएको संयुक्त गस्ती टोलीले मंगलबार सीमा क्षेत्रमा गस्ती गर्ने क्रममा गोली बरामद गरेको हो।

गस्ती टोलीले कानुपट्टी सीमा क्षेत्रमा बेवारिसे अवस्थामा रहेको सेतो प्लास्टिकको झोलाभित्र ९ एमएमका गोलीजस्तो देखिने २७ थान वस्तु फेला पारेको जनाएको छ।

बरामद गोली कसले, कुन प्रयोजनका लागि र कसरी उक्त स्थानमा छाडेको भन्ने खुलेको छैन। घटनाबारे थप अनुसन्धान तथा आवश्यक कानुनी प्रक्रिया अघि बढाइने सशस्त्र प्रहरीले जनाएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.