विराटनगरको उखुबारीमा युवकको शव फेला, हत्या गरेर फालेको आशंका

Share this
753shares
मुलुकी खबर
मुलुकी खबर
clock२०८३ मंसिर ४, शुक्रबार १४:५०

विराटनगर । विराटनगर महानगरपालिका–४ इक्राहीको उखुबारीमा एक युवकको शव शंकास्पद अवस्थामा फेला परेको छ । करिब २५–२६ वर्ष उमेरका देखिने युवकको शव शुक्रबार दिउँसो घोप्टो परेको अवस्थामा भेटिएको हो ।

उखुबारीभित्र शव फेला परेको हो । युवकको शरीरमा लगाएका कपडाहरू यथावत् छन् । उनको दाहिने कानमा चोट लागेको र घाउबाट सामान्य रगत बगिरहेको अवस्थामा शव भेटिएको प्रहरीले जनाएको छ ।

मोरङ प्रहरी प्रमुख एसपी कवित कटवालले युवकको शव शंकास्पद अवस्थामा फेला परेको पुष्टि गरेका छन् । घटनाको जानकारी पाएलगत्तै उनी आफैं प्रहरी टोलीसहित घटनास्थल पुगेका छन् ।

युवकको मृत्यु वन्यजन्तुको आक्रमणबाट भएको हो वा हत्या गरेर शव उखुबारीमा फालिएको हो भन्ने खुलेको छैन । यद्यपि, घटनास्थलको प्रारम्भिक अवस्थालाई हेर्दा हत्या गरेर शव फालिएको हुनसक्ने प्रहरीको आशंका छ ।

एसपी कटवालले शव पोस्टमार्टमका लागि पठाइने र त्यसको रिपोर्ट तथा प्रहरीको अनुसन्धानपछि मात्रै मृत्युको वास्तविक कारण खुल्ने बताए । मृतक युवकको पहिचानसमेत खुल्न बाँकी छ ।

प्रहरीले घटनास्थलको मुचुल्का उठाउने तथा अन्य प्रमाण संकलन गरेर अनुसन्धान थाल्ने प्रक्रिया अघि बढाएको छ । घटनाको थप विवरण आउन बाँकी छ ।

तपाइको प्रतिक्रिया
विराटनगरका २ हजार २५७ परिवारले पाउँदैछन् ‘गरिब परिचयपत्र’
हाटखोला श्मशान घाटको व्यवस्थापन सुधार्न महानगरको चासो
भारत भ्रमणको तयारीमा प्रधानमन्त्री शाह, रविसँग तीन घण्टा छलफल
दोस्रो झापा महिला गोल्डकपको तयारी पूरा, शनिबारदेखि खेल सुरु
मेची–महाकाली पदयात्रामा रहेका सांसद अमरेश सिंहलाई विराटनगरमा कालो झन्डा
विराटनगरको उखुबारीमा युवकको शव : घरमै आएर हत्याको धम्की, तीन दिनपछि मृत फेला
उद्योगमैत्री बैंकिङ प्रणाली बनाउन राष्ट्र बैंकलाई भीम घिमिरेका १० बुँदे सुझाव
उदयपुरका इन्स्पेक्टर अस्वीन तोलांगे सर्वोत्कृष्ट प्रहरी घोषित
नेपालगञ्जमा रगत अभाव, दैनिक ८० पिन्टसम्म माग
सिद्धार्थ स्कुलका शिक्षक–कर्मचारीद्वारा सामाजिक सञ्जालमा आएको गुनासोप्रति आपत्ति
सिद्धार्थ स्कुलका शिक्षक–कर्मचारीद्वारा सामाजिक सञ्जालमा आएको गुनासोप्रति आपत्ति
© 2024 Muluki Khabar. All Rights Reserved. Design & Develop By: Indesign Media Pvt. Ltd.