सीटी सफारी चार्ज गर्ने क्रममा करेन्ट लागेर मृत्यु

Share this
666shares
मुलुकी खबर
मुलुकी खबर
clock२०८१ असोज ८, मंगलबार १३:३०

झापा । झापाको दमकमा सीटी सफारी चार्ज गर्ने क्रममा करेन्ट लागेर मंगलबार बिहान १ जनाको मृत्यु भएको छ ।

इलामको माई नगरपालिका–५ घर भइ दमक नगरपालिका–८ मा डेरा गरेर बस्ने अन्दाजी २६ वर्षीय कमल बुर्जामगरको मृत्यु भएको झापा प्रहरीले जनाएको छ । टाँडे घरको भुइँ तलामा आफ्नै सीटी सफारी चार्ज गर्ने क्रममा बिहान ९ः३० बजेतिर करेन्ट लागेर उनी गम्भीर घाइते भएका थिए ।

उपचारका लागि दमक अस्पताल लगिएको थियो । थप उपचारका लागि बिर्तामोडको बी एन्ड सी अस्पताल पुर्याउनसाथ चिकित्सकले बुर्जामगरलाई बिहान ११ः२३ बजेतिर मतृ घोषणा गरेको जानकारी प्रहरीले दिएको छ ।

प्रहरीका अनुसार सफारी चार्ज गर्ने क्रममा विद्युत सर्ट भएर करेन्ट लागेको हुनसक्छ । घटनाको अनुसन्धान भइरहेको प्रहरीले जनाएको छ ।

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.