झापामा हात्तीको आक्रमणबाट एक जनाको मृत्यु

Share this
679shares
मुलुकी खबर
मुलुकी खबर
clock२०८१ असोज १७, बिहीबार १२:३७

झापा । झापामा जंगली हात्तीको आक्रमणमा परेर एक जना पुरुषको मृत्यु भएको छ ।

हल्दिबारी गाउँपालिका–३ स्थित रणकाली सामुदायिक वनबाट फर्कने क्रममा हात्तीले आक्रमण गर्दा सोही ठाउँका ६५ वर्षीय वाङदी गुरुङको मृत्यु भएको जिल्ला प्रहरी कार्यालय झापाले जनाएको छ ।

आज बिहान ९ बजेतिर जंगलमा घाँस काटेर फर्कने क्रममा गुरुङलाई ८÷१० वटा जंगली हात्तीले लखेटी लतारपछार पारी कुल्चेपछि उनको मृत्यु भएको प्हरीले जनाएको छ ।

प्रहरीका अनुसार हात्तीले आक्रमण गरेको खबर प्राप्त हुन घटनास्थल पुग्दा गुरुङको मृत्यु भइसकेको थियो ।

कानुनी प्रक्रिया पूरा गरेर शव परिवारालाई बुझाउने तयारी भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.