दुर्घटनामा परेर प्रहरी र बालक घाइते

Share this
715shares
मुलुकी खबर
मुलुकी खबर
clock२०८१ असोज २४, बिहीबार १७:००

विराटनगर । मोरङको पथरीशनिश्चरे नगरपालिका–१ जाँतेमोडमा स्कुटर र मोटरसाइकर ठोकिँदा दुर्घटनामा प्रहरी र बालक घाइते भएका छन् ।

आज दिउँसो सवा १२ बजेति जाँतेमोडमा प्र.१–०४–००१ प ४३१७ नम्बरको स्कुटर र प्र.१–०२–४१ प ४३५१ नम्बरको मोटरसाइकल एकआपसमा ठोकिएर दुर्घटना भएको मोरङ प्रहरीले जनाएको छ ।

दुर्घटनामा परी मोटरसाइकल चालक खोटाङ रावावेसी गाँउपालिका–२ घर भइ हाल सुनसरी सोनापुरमा सीआरभीमा कार्यरत प्रहरी सहायक हवल्दार शान्तिराम निरौला र उनका छोरा वर्ष ७ का सुशासन निरौला घाइते भएका छन् ।

शान्तिरामलाई दाइने हात र च्युडोमा चोट लागेको छ भने सुशासनको दाइने हात र निधारमा चोटलागेको छ ।

बुवाछोराको अवस्था मध्यम रहेको र उनीहरुको बुढीगंगास्थित विराट शिक्षण अस्पतालमा उपचार भइरहेको प्रहरीले जनाएको छ ।

स्कुटर चालक लेटाङ नगरपालिका–९ का २४ वर्षीय दिनेश लुम्बुलाई नियन्त्रणमा लिएर घटनाको अनुसन्धान थालेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.