सिम्रौनगढका प्रमुख प्रशासकीय अधिकृत ७८ हजार घुससहित पक्राउ

Share this
732shares
मुलुकी खबर
मुलुकी खबर
clock२०८१ कात्तिक ८, बिहीबार २०:२३

जनकपुर । बाराको सिम्रौनगढका प्रमुख प्रशासकीय अधिकृत घुससहित बिहीबार पक्राउ परेका छन् ।

सिम्रौनगढ नगरपालिकाका निमित्त प्रमुख प्रशासकीय अधिकृत वीरेन्द्रप्रसाद साहलाई ७८ हजार रुपैयाँ घुससहित अख्तियार दुरुपयोग अनुसन्धान आयोग हेटौंडाको टोलीले नियन्त्रणमा लिएको छ ।

नगरपालिकाले गर्ने बिल भुक्तानीमा घुस मागेको सूचना पाएपछि अख्तियारको टोलीले साहलाई नियन्त्रणमा लिएको हो ।

साहलाई कलैया उपमहानगरपालिका भरत चौकबाट नियन्त्रणमा लिइएको हेटौंडास्थित अख्तियारको कार्यालयका सूचना अधिकारी गोविन्दप्रसाद गौतमले जानकारी दिए ।

असार तेस्रो साताबाट साह सिम्रौनगढको निमित्त प्रमुख प्रशासकीय अधिकृतको जिम्मेवारी सम्हालेका थिए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.