कुलरुवामा राधाकृष्णको मन्दिर निर्माण हुँदै

Share this
807shares
मुलुकी खबर
मुलुकी खबर
clock२०८१ मंसिर ३, सोमबार १८:२४

विराटनगर । मोरङको विराटनगर–५ स्थित कुलरुवामा राधाकृष्णको मन्दिर निर्माण हुने भएको छ ।

स्थानीयको सक्रियतामा निर्माण हुन लागेको मन्दिरको एक समारोहका बीच विराटनगर महानगरपालिकाका मेयर नागेश कोइरालाले शिलान्यास गरे ।

कार्यक्रमलाई सम्बोधन गर्दै मेयर कोइराला भाषा, धर्म, कला र संस्कृतिको जर्गेना गर्नुपर्नेमा जोड दिए । उनले सबैलाई आआफ्ना भाषा, कला, धर्म र संस्कृतिको संरक्षण गर्न आग्रह गरे ।

सो अवसरमा मोरङका प्रमुख जिल्ला अधिकारी प्रेमप्रसाद भट्टराई, मोरङ प्रहरीका प्रमुख एसपी नारायणप्रसाद चिमरिया, नेकपा एमालेका नेता विनोद ढकाल, वडा नम्बर ५ का अध्यक्ष सन्तोष न्यौपाने, मन्दिर निर्माण समितिका अध्यक्ष शोभानन्द यादवलगायतले शुभकामना मन्तव्य व्यक्त गरेका थिए ।

मन्दिरको शिलान्यासअघि कलश यात्रा निकालिएको थियो । कलश यात्राले वडाका विभिन्न स्थानको परिक्रमा गरेको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.