रवि लामिछाने रूपन्देही अदालतमा उपस्थित हुँदै

Share this
726shares
मुलुकी खबर
मुलुकी खबर
clock२०८१ माघ ९, बुधबार ०७:५६

रुपन्देही । पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछाने आज (बुधबार) रूपन्देही अदालतमा उपस्थित हुने भएका छन् ।

बुटवलको सुप्रिम सहकारी ठगी प्रकरणको बयानका लागि उनी अदालतमा उपस्थित हुन लागेका हुन् । सुरुको र पुरक जाहेरीका आधारमा सहकारीको रकम अपचलन गरिएको मुद्दामा उनीसहित ४२ जनालाई प्रतिवादी बनाइएको छ ।

अदालतमा उपस्थित हुन लामिछाने मंगलबार नै भैरहवा पुगेका थिए । अदालतमा उपस्थित भएपछि इजलासमा उनको बयान हुने छ । बयानपछि वादी नेपाल सरकार र प्रतिवादीतर्फका कानुन व्यवसायीबीच थुनछेक बहस भइ अदालतले पुर्पक्षका लागि थुनामा पठाउने अर्थात धरौटी वा साधारण तारेखमा छाड्नेमध्येको एउटा आदेश दिने छ ।

पोखराको सूर्यदर्शन सरकारीको रकम अपचलन गरिएको प्रकरणमा अनुसन्धान जारी रहेका बेला लामिछानेविरुद्ध रुपन्देहीबाट पनि पक्राउ पुर्जी जारी भएको थियो । त्यसपछि कात्तिक २७ गते बुटवल लगेर सरकारी वकिल कार्यालयमा बयान लिइएको थियो ।

सुप्रिम सहकारीमा रहेका १ हजार ८ सय ३१ बचतकर्ताको ८६ करोड १८ लाख २३ हजार ७ सय ५४ रूपैयाँ हिनामिना गरेको दाबी सरकार पक्षको छ । गत वैशाख ३ गते पहिलो पटक मुद्दा दायर भए पनि लामिछानेविरुद्ध भने पुरक अभियोगका आधारमा मुद्दा चलेको हो ।

लामिछाने प्रबन्ध निर्देशक रहेको गोर्खा मिडिया नेटवर्क प्रा.लिमा सुप्रिम सहकारीबाट १४ करोड २९ लाख रुपैयाँभन्दा बढी रकम गएको अनुसन्धानबाट खुलेको छ । २ करोड रुपैयाँ भने लामिछानेको नाममा ऋण गएको भेटिएको प्रहरीको दाबी छ ।

उनी यसअघि कास्की अदालतको आदेश अनुसार ६५ लाख र काठमाडौं अदालतको आदेश अनुसार ६० लाख रूपैयाँ धरौटी बुझाएर छुटेका थिए । बुटवलपछि उनले चितवन र पर्सा पनि अदालतमा बयान दिन जानुपर्ने हुन्छ । चितवन र पर्सामा पनि सहकारीको रकम अपचलन प्रकरणमा उनी मुछिएका छन् ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.