यस्तो छ रवि लामिछानेविरुद्ध दर्ता भएको अभियोगपत्र, कति हुन्छ सजाय ? (पूर्णपाठ)

Share this
729shares
मुलुकी खबर
मुलुकी खबर
clock२०८१ माघ २२, मंगलबार १७:३८

विराटनगर । पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध जिल्ला अदालत चितवनमा मंगलबार मुद्दा दर्ता भएको छ ।

साहारा चितवन बहुउद्देश्यीय सहकारीको रकम अपचलनसँग सम्बन्धित मुद्दा जिल्ला सरकारी वकिल कार्यालयले दर्ता गराएको हो । पुरक अभियोगमार्फत दर्ता भएको मुद्दामा १५ जना प्रतिवादी छन् ।

अभियोगपत्रमा सहकारीको ५२ करोड ३२ लाख ८५ हजार ३ सय ८ रुपैयाँ ४७ पैसा ठगी भएको उल्लेख छ । लामिछानेमाथि मुलुकी फौजदारी कार्यविधि संहिता, २०७४ को दफा २४९ को उपदफा १ र २ विपरीत कसुर गरेको अभियोगमा ठगी मुद्दा दायर भएको हो ।

मुलुकी फौजदारी कार्यविधि संहिता, २०७४ को दफा २४९ को उपदफा १ मा कसैले ठगी गर्न वा गराउन नहुने कुरा उल्लेख छ । उपदफा २ मा उपदफा (१) को प्रयोजनको लागि कसैले कसैलाई कुनै कुराको विश्वास दिलाएकोमा सो बमोजिम नगरी वा फकाइ, झुक्याइ वा अन्य कुनै किसिमले धोका दिइ कुनै काम गरी वा गर्नबाट रोकी त्यस्तो व्यक्ति वा अन्य कसैलाई बेइमानीपूर्वक कुनै किसिमको हानि, नोक्सानी वा क्षति पुर्याएमा वा आफ्नो वा अरु कसैको लागि कुनै लाभ प्राप्त गरेमा निजले ठगी गरेको मानिने उल्लेख छ ।

लामिछानेलाई मुलुकी अपराध संहिता, २०७४ को दफा २४९ को उपदफा १ र २ विपरीत कसुर गरेको ठहर गरी दफा २४९ को उपदफा ३ (ग) बमोजिम सजाय हुनुपर्ने मागदाबीसहितको अभियोगपत्र दायर भएको हो । उपदफा ३ को (ग) मा खण्ड (क) वा (ख)मा लेखिएको बाहेक अन्य कुनै किसिमले ठगी गरेमा ७ वर्षसम्म कैद र ७० हजार रुपैयाँसम्म जरिबाना हुने व्यवस्था छ ।

यस्तो छ अभियोगपत्र

 

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.