रवि लामिछानेलाई संगठित अपराधमा मुद्दा नचलाउँदा सरकारी वकिलमाथि छानबिन

Share this
665shares
मुलुकी खबर
मुलुकी खबर
clock२०८१ माघ २३, बुधबार १४:३७

काठमाडौं । पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेलाई संगठित अपराधमा मुद्दा नचलाएको भन्दै सरकारी वकिलमाथि छानबिन सुरु गरिएको छ ।

महान्यायाधिवक्ताको कार्यालयले चितवनका जिल्ला न्यायाधिवक्ता शान्तिप्रसाद लुइँटेलमाथि छानबिन अघि बढाएको हो । नायब महान्यायाधिवक्ता गोपालप्रसाद रिजालको नेतृत्वमा समिति गठन गरेर छानबिन अघि बढाइएको छ ।

साहारा चितवन सहकारीको रकम अपचलनसँग जोडिएको मुद्दामा लामिछानेलाई ठगीको कसुरमा मात्रै प्रतिवादी बनाइएको छ । संगठित अपराधमा प्रतिवादी नबनाएपछि सरकारी वकिलमाथि नै छानबिन सुरु भएको हो ।

महान्यायाधिवक्ता कार्यालयका प्रवक्ता सूर्यराज दाहालले जिल्ला न्यायाधिवक्ता लुइँटेलमाथि छानबिन सुरु भएको जानकारी दिए । उनका अनुसार अभियोगपत्रको विषयमा छानबिन सुरु भएको छ ।

लुइँटेललाई चितवनबाट महान्यायाधिवक्ताको कार्यालयमा तानिसकिएको छ । लामिछानेमाथि पोखरा, बुटवलमा ठगीसँगै संगठित अपराधमा पनि मुद्दा चलेको थियो । चितवनमा भने ठगी मात्रै चलाइएको छ ।

साहारा चितवन सहकारीबाट गोर्खा मिडियामा गएको साढे ३ करोडका साथै अन्य सहकारी तथा विभिन्न माध्यमबाट गोर्खा मिडियामा पुगेको रकममध्ये ४८ करोड रुपैयाँभन्दा बढी लामिछानेको एकल हस्ताक्षरबाट खर्च भएको अभियोगपत्रमा उल्लेख छ । रकम खर्च गर्न लामिछानेले ८ सय १४ वटा चेक काटेको अनुसन्धानबाट पत्ता लागेको थियो ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.