देशैभरका प्रदूषित सहरको पहिलो नम्बरमा पोखरा

Share this
732shares
मुलुकी खबर
मुलुकी खबर
clock२०८१ माघ ३०, बुधबार १४:४६

काठमाडौं । देशैभरका सहरहरूमध्ये प्रदूषित सहरको पहिलो नम्बरमा पोखरा परेको छ । 

पछिल्लो समय पोखरामा प्रदूषणको तह उच्च देखिन थालेको वन तथा वातावरण मन्त्रालयले जनाएको छ ।
वातावरण मन्त्रालयअन्तर्गत वायु गुणस्तर निगरानी विभागका अनुसार बुधबार पोखरामा वायु प्रदूषणको तह १८७  एक्यूआई पुगेको छ । यो देशैभरका सहरहरूमा भन्दा बढी हो ।

बुधबार विश्वका प्रदूषित सहरहरूमा ७ औं स्थानमा रहेको काठमाडौंको १६१ एक्यूआई रहेको छ । भरतपुरको १७० एक्यूआई, भै‌सेपाटीको १५४, काठमाडौं रत्नपार्कको १५१ एक्यूआई मापन भएको छ ।

खुमलटार, शंखपार्क, धुलिखेल, भक्तपुरलगायतका सहरहरू पनि प्रदूषित देखिएका छन् ।  मंगलबार शंखपार्क मा २०८ एक्यूआई देखिएको थियो ।

०–५० एक्यूआईसम्मको सूचकांकलाई राम्रो मानिन्छ । ५१–१०० मध्यम, १०१–२०० अस्वस्थ, २०१–३०० निकै अस्वस्थ र ३०१ एक्यूआईभन्दा माथि भए खतरनाक तहमा पुगेको मानिन्छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.