मोरङका प्रहरी हवल्दार सर्वोत्कृष्ट

Share this
733shares
मुलुकी खबर
मुलुकी खबर
clock२०८१ फागुन ६, मंगलबार १८:४७

विराटनगर । जिल्ला प्रहरी कार्यालय मोरङमा कार्यरत प्रहरी हवल्दार गुणराज अधिकारी कोशी प्रदेशको सर्वोत्कृष्ट प्रहरी घोषित भएका छन् ।

कोशी प्रदेश प्रहरी प्रमुख डीआईजी राजन अधिकारीले माघ महिनाभरिको सर्वोत्कृष्ट प्रहरी घोषित गर्दै हवल्दार अधिकारीलाई ‘बेस्ट पुलिस अफ दी मन्थ’को उपाधि प्रदान गरेका हुन् । विभागीय मूल्य–मान्यता र आदेश–निर्देशनको पालना गरी उच्च मनोबल एवं साहसका साथ कर्तव्य निर्वाह गरेका कारण अधिकारी सर्वोत्कृष्ट प्रहरी बन्न सफल भएको प्रदेश प्रहरी कार्यालय विराटनगरले जनाएको छ ।

हवल्दार अधिकारीले विराटनगर महानगरपालिका–५ विशाल चोकको कलेरुवा टोलमा मावली आएकी बालिकाको हत्या गरेर शव गाडेको घटना पत्ता लगाएका थिए । हत्या गरी खाल्डोमा खनेर गाडेको अवस्थामा १४ वर्षीया चाँदनी यादवको शव फेला परेको थियो ।

भारतको छपरा जिल्ला घर भएकी बालिकाको आफ्नै अभिभावक र मावली परिवारका सदस्य मिलेर हत्या गरेका थिए । हत्या गरेपछि मावली घरनजिकै खाल्डो खनेर शव गाडिएको थियो । माघ १८ गते खाल्डोबाट प्रहरीले शव निकालेको थियो ।

घटनामा संलग्न चाँदनीको मावली हजुरबुवा सरयुग मण्डलसहित ६ जना पक्राउ परेका छन् । प्रहरीले थप अनुसन्धान गरिरहेको छ । बालिकाको हत्या भएको र शव गाडिएको घटना पत्ता लगाउनेदेखि पहिचान गरेर घटनामा संलग्नलाई पक्राउ गरी कानुनी कारबाहीको दायरामा ल्याउन महत्वपूर्ण भूमिका निर्वाह गरेका कारण हवल्दार अधिकारीले ‘बेस्ट पुलिस अफ दी मन्थ’को उपाधि पाएको प्रदेश प्रहरी कार्यालयले जनाएको छ ।

सम्पादित कार्यको उच्च मूल्यांकन गर्दै हवल्दार अधिकारीलाई २०८१ साल माघ महिनाको सर्वोत्कृष्ट प्रहरी घोषित गरिएको कोशी प्रदेश प्रहरी कार्यालय विराटनगरका प्रवक्ता एसएसपी भीमबहादुर दाहालले जानकारी दिए ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.