झिलकुमारी लुइँटेल स्मृति पत्रकारिता पुरस्कार निरौलालाई 

Share this
717shares
मुलुकी खबर
मुलुकी खबर
clock२०८१ फागुन १०, शनिबार २०:०३

विराटनगर । झिलकुमारी लुइँटेल स्मृति पत्रकारिता पुरस्कार विराटनगरका पत्रकार विक्रम निरौलालाई प्रदान गर्ने भएको छ । 

मोरङको ग्रामथान–२ झोराहाटमा रहेको नारदमुनि–पवित्रादेवी लुइँटेल स्मृति कोषले स्थापित गरेको पत्रकारिता पुरस्कार नेपाल पत्रकार महासंघ मोरङका पूर्व अध्यक्ष विक्रम निरौलालाई दिने निर्णय गरेको हो । 

फाल्गुन २७ गते एक कार्यक्रमका बीच निरौलालाई ११ हजार १ सय ११ राशि र सम्मानपत्र प्रदान गरिने कोषका संरक्षक शंकर लुइँटेलले जानकारी दिए । 

मोरङ कार्यक्षेत्र बनाई सक्रिय पत्रकारिता गर्दै आएका मध्येबाट छनोट गरी प्रत्येक वर्ष १ जनालाई सो पुरस्कार प्रदान गर्दै आएको छ ।

यसअघि पत्रकार अभय राई, विनोद सुवेदी र सुशीला पाठक पुरस्कृत भइसकेका छन् ।

त्यस अवसरमा छत्रपति लुइँटेल स्मृति सेवा निवृत्त शिक्षक सम्मानबाट शिव अधिकारी र नारायण न्यौपानेलाई सम्मानित गरिने जनाइएको छ । 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.