विद्युत् प्राधिकरणले कमायो ११ अर्ब ३६ करोड नाफा

Share this
739shares
मुलुकी खबर
मुलुकी खबर
clock२०८१ फागुन १६, शुक्रबार १५:४४

विराटनगर । नेपाल विद्युत प्राधिकरणले पछिल्लो ६ महिनाको अवधिमका ११ अर्ब ३६ करोड रूपैयाँ नाफा कमाएको छ ।

यो नाफा चालु आर्थिक वर्ष २०८१–०८२ को पहिलो ६ महिनामा प्राधिकरणले कमाएको हो । विद्युत बिक्री, ब्याज तथा अन्यबाट कूल ७० अर्ब ४४ करोड रुपैयाँ आम्दानी भएकोमा विद्युत खरिद, प्रशासनिक र विभिन्न आयोजनालगायतमा ५९ अर्ब ८ करोड रुपैयाँ खर्च भएको प्राधिकरणले जनाएको छ ।

प्राधिकरण आर्थिक वर्ष २०७२–०७३ मा ८ अर्ब ८९ करोड वार्षिक घाटामा थियो । त्यसयता निरन्तर नाफामा छ । आर्थिक वर्ष २०८०–०८१ मा प्राधिकरणले १४ अर्ब ४६ करोड नाफा कमाएको थियो ।

आफूले कमाएको नाफालाई प्राधिकरणले विद्युत् उत्पादन, प्रसारण र वितरणतर्फका पूर्वाधार विस्तार एवं सुदृढीकरण र विद्युतीकरण तर्फका आयोजनामा लगानी गरिरहेको छ ।

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.