झापामा खुकुरी प्रहारबाट युवा संघका इन्चार्जसहित ३ जना घाइते

Share this
766shares
मुलुकी खबर
मुलुकी खबर
clock२०८१ फागुन २७, मंगलबार १०:४५

बिर्तामोड । झापाको बिर्तामोडमा युवा संघका जिल्ल इन्चार्जसहित ३ जनामाथि खुकुरी प्रहार भएको छ । खुकुरी प्रहारबाट तीनै जना घाइते भएका छन् ।

सांघातिक आक्रमणबाट राष्ट्रिय युवा संघ नेपाल झापाका इन्चार्ज खगेन्द्रराज आङ्देम्बे (राज), विश्वदीप राजवंशी र अजय खवास घाइते भएका हुन् । युवा संघ इन्चार्ज आङ्देम्बेको अवस्था गम्भीर छ ।

बिर्तामोडस्थित बी एन्ड सी अस्पतालमा उपचार भइरहेको छ । आङ्देम्बेलाई आईसीयूमा भर्ना गरिएको छ । हत्या गर्ने योजनासहित आक्रमण भएको बताइएको छ । सुरुमा आङ्देम्बेमाथि खुकुरी हानिएको हो । शरीरका विभिन्न भागमा गहिरो चोट लागेको छ ।

प्रहरीका अनुसार बिर्तामोड नगरपालिका–४ का खगेन्द्र खालिङले मंगलबार बिहानका राति १ बजेतिर आङ्देम्बेलाई घरमा बोलाएको घाइतेहरुले बताएका छन् । घरमा छिर्न खोज्दै गर्दा उनीमाथि खुकुरी प्रहार भएको प्रहरीको भनाइ छ ।

‘सुरुमा घरमा बोलाइएको पाइएको छ । घरमा छिर्नलाई ‘चेनगेट’ खोल्दै गर्दा आक्रमण गरेको पत्ता लाग्यो । आक्रमणमा कति जना संलग्न छन् भनेर यकिन भइसकेको छैन,’ प्रहरी स्रोतले भन्यो ।

राजवंशीलाई भने भद्रपुर रोडमा रहेको दरबार रेष्टुरेण्टबाट ओर्लिदै गर्दा मोटरसाइकलमा रहेका ४ जनाले आक्रमण गरेको प्रहरीको भनाइ छ । आक्रमणमा संलग्न र घाइतेहरुबीच के विषयमा विवाद थियो भनेर यकिन भइनसकेको इलाका प्रहरी कार्यालय अनारमनी बिर्तामोडका इन्स्पेक्टर सन्तोष राईले बताए ।

प्रहरीले घटनामा संलग्नलाई पक्राउ गर्न सकिरहेको छैन । इन्स्पेक्टर राईले आक्रमणमा संलग्नको खोजी तीव्र पारेर घटनाको अनुसन्धान सुरु गरिएको बताए ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.