भौतिक मन्त्रालयको बेरुजु असुली अभियान

Share this
689shares
मुलुकी खबर
मुलुकी खबर
clock२०८१ चैत ८, शुक्रबार १८:०८

विराटनगर । कोशी प्रदेशको भौतिक पूर्वाधार विकास मन्त्रालयले पछिल्लो ६ महिनामा १८ करोड ६० लाखभन्दा बढी बेरुजु असुल गरेको छ । 

आर्थिक वर्ष २०७९ / ८० सम्म कोशी प्रदेशको भौतिक पूर्वाधार विकास मन्त्रालयको बेरुजु ३६ करोड ५१ लाख ७४ हजार ९ सय ४० रुपैयाँ थियो ।

पछिल्लो ६ महिनामा मन्त्रालयले १८ करोड ६० लाख ९ हजार ७ सय १७ रुपैयाँ बेरुजु असुल गरेको हो ।

मन्त्रालयको जिम्मेवारी सम्हालेपछि भौतिक पूर्वाधार मन्त्री भूपेन्द्र राईले बेरुजू फछर्यौटका लागि मातहतका कार्यालयलाई निर्देशन दिएको थिए ।

उनले बेरुजु असुलीका लागि निर्देशन दिएपछि ६ महिनामा कूल बेरुजुको आधा असुल भएको बताए । ‘६ महिनामा बेरुजु असुल सकारात्मक छ,’ मन्त्री राईले भने, ‘बेरुजु फछर्यौट गर्ने अभियानमा छौँ । पूर्वाधार मन्त्रालयकै १ करोड ६३ लाख ७५ हजार ७ सय ५१ रुपैयाँ बेरुजु थियो । जसमा १० लाख बेरुजु असुल भइसकेको छ ।’

पूर्वाधार विकास कार्यालयमध्ये सबैभन्दा बढी मोरङको १८ करोड ६२ लाख ९३ हजार २ सय ३५ रुपैयाँ असुल गर्नुपर्ने बेरुजु थियो । जसमा १६ करोड १६ लाख ९४ हजार रुपैयाँ बेरुजु असुल भएको छ ।

उदयपुरबाट ६४ लाख  ३७ हजार ७ सय १५ रुपैयाँ, ओखलढुंगाबाट १ करोड ३७ लाख ४४ हजार १ सय २८ रुपैयाँ, भोजपुरबाट ५८ हजार ३ सय ८८ बेरुजु असुल गरेको मन्त्रालयले जनाएको छ ।

त्यस्तै, सहरी विकास तथा भवन कार्यालयतर्फ मोरङले  ८ लाख ४२ हजार ४ सय १४ रुपैयाँ, इलामले ७ लाख ८३ हजार ४ सय ५ रुपैयाँ, धनकुटाले ८ लाख ६० हजार ८ सय ५४ रुपैयाँ र ओखलढुंगाले ५ लाख ८८ हजार ८ सय १३ रुपैयाँ बेरुजु असुल गरेको मन्त्रालयले जनाएको छ ।  

यातायात पूर्वाधार निर्देशनालय, पूर्वाधार विकास कार्यालय झापा, पूर्वाधार विकास कार्यालय पाँचथर र संखुवासभाले भने बेरुजु असुल गर्न सकेनन् ।

मन्त्रालयले बेरुजु संकलनलाई प्राथमिकतामा राखेर काम गरिरहेको मन्त्री राईले जानकारी दिए ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.