
विराटनगर । नेपाल विद्युत प्राधिकरणका प्रमुख कार्यकारी अधिकृत कुलमान घिसिङको बर्खास्ती विरुद्ध विराटनगरमा प्रदर्शन भएको छ ।
नेकपा माओवादी निकट विद्यार्थीले विराटनगरको ट्राफिक चोकमा प्रदर्शन गरेका हुन् । घिसिङलाई बर्खास्त गर्ने सरकारकाे निर्णयविरुद्ध देशभर प्रदर्शन भइरहेकाे छ ।
आन्दोलनका क्रममा विद्यार्थीले प्रधानमन्त्री केपी शर्मा ओली र उर्जमन्त्रीविरुद्ध नाराबाजी गरेका छन् । घिसिङकाे बर्खास्ती विरुद्ध उर्लाबारीमा पनि प्रदर्शन भएकाे छ । स्थानीयले प्लेकार्डसहित प्रदर्शन गरेका हुन् ।
सोमबार बसेको मन्त्रिपरिषद् बैठकले कार्यकारी निर्देशकबाट कुलमान घिसिङलाई बर्खास्त गर्दै हितेन्द्रदेव शाक्यलाई नियुक्त गर्ने निर्णय गरेको थियो । शाक्ले आजै पदभार ग्रहण गरेका छन् ।

























