दुर्घटनामा परेको डेढ वर्षपछि भद्रपुरका बस्नेतको मृत्यु

Share this
653shares
मुलुकी खबर
मुलुकी खबर
clock२०८१ चैत १४, बिहीबार ०८:३६

विराटनगर । झापाको भद्रपुर नगरपालिका–१० का २९ वर्षीय सरोज बस्नेतको दुर्घटनामा परेको डेढ वर्ष (१९ महिना)पछि मृत्यु भएको छ ।

बस्नेत सवार प्र १–०१–०१३ प ५१४० नम्बरको मोटरसाइकल र अर्को मे ५ प ५५६८ नम्बरको मोटरसाइकल एकआपसमा ठोक्किएर २०८० भदौ १३ गते मध्यरातमा दुर्घटना भएको थियो । पूर्व–पश्चिम राजमार्गअन्तर्गत बिर्तामोड नगरपालिका–३ सञ्जीवनी अस्पतालअगाडि दुर्घटना भएको हो ।

दुर्घटनामा परेर ५५६८ नम्बरको मोटरसाइकलका चालक कनकाई नगरपालिका–५ का २६ वर्षीय सागर घिमिरेको त्यतिबेलै मृत्यु भएको थियो । गम्भीर घाइते भएका घिमिरेलाई उपचारका लागि बिर्तामोडको बी एन्ड सी अस्पताल पुर्याउनसाथ चिकित्सकले मृत घोषित गरेका थिए ।

त्यही दुर्घटनामा ५१४० नम्बरको मोटरसाइकलका चालक बस्नेत गम्भीर घाइते भए । उनलाई उपचारका लागि विभिन्न अस्पताल लगिएको थियो । तर, स्वास्थ्यमा सुधार भएको थिएन ।

दुर्घटनामा परेपछि अचेत अवस्थामा रहेका बस्नेतको बुधबार बिहान आफ्नै घरमा मृत्यु भएको झापा प्रहरीले जनाएको छ । घरमै औषधि सेवन गर्ने क्रममा उनको मृत्यु भएको प्रहरीको भनाइ छ । प्रहरीले कानुनी प्रक्रिया पूरा गरेर शवलाई पोस्टमार्टमका लागि प्रादेशिक अस्पताल भद्रपुर पठाएको छ ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.