डीआईजीले गरे ताप्लेजुङको निरीक्षण

Share this
688shares
मुलुकी खबर
मुलुकी खबर
clock२०८१ चैत १४, बिहीबार ०८:५६

विराटनगर । कोशी प्रदेश प्रहरी प्रमुख डीआईजी राजन अधिकारीले जिल्ला प्रहरी कार्यालय ताप्लेजुङको स्थलगत निरीक्षण गरेका छन् ।

अधिकारीले जिल्ला प्रहरी कार्यालयको भवन, सम्पूर्ण शाखाहरु तथा हिरासत कक्षको बुधबार अनुगमन एवं निरीक्षण गरेका हुन् । त्यस क्रममा उनले प्रहरी कर्मचारीलाई आवश्यक निर्देशनसमेत दिए ।

अधिकारीले आचरण र व्यवहारमा सुधार ल्याएर आपसी भाइचारा तथा सहयोगी भावनाका साथ आफ्नो कर्तव्य र जिम्मेवारी पूरा गर्न प्रहरीलाई निर्देशन दिए । संगठनको हित र उद्देश्यलाई सर्वोपरी ठानेर प्रहरीले नागरिकमैत्री सेवा प्रदान गर्नुपर्नेमा उनको जोड छ ।

‘धार्मिक तथा पर्यटकीय क्षेत्रहरु भएको पहाडी जिल्ला ताप्लेजुङमा शान्ति सुरक्षा, अपराध अनुसन्धान तथा नियन्त्रणका साथै सचेतनामूलक कार्यक्रम सञ्चालनमा प्रहरीले विशेष भूमिका खेल्नुपर्छ । समाजमा हुने विभिन्न अपराधलाई निरुत्साहित गर्न ‘दुर्जनको लागि डर र सज्जनको लागि भर’ भएर प्रहरीले काम गर्नुपर्छ,’ अधिकारीले भने । उनले उच्च मनोवलका साथ प्रहरीले सेवा प्रवाहमा ध्यान दिनुपर्ने बताए ।

निरीक्षण भ्रमणका क्रममा ताप्लेजुङ पुगेका डीआईजी अधिकारीले उत्कृष्ट कार्यसम्पादन गर्ने ताप्लेजुङ प्रहरी प्रमुख डीएसपी रवि रावलसहित विभिन्न युनिटमा कार्यरत प्रहरीलाई पुरस्कृतसमेत गरेका छन् ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.