प्राधिकरणका कार्यकारी निर्देशक हितेन्द्रदेवले दर्ता गराए सर्वोच्चमा रिट

Share this
759shares
मुलुकी खबर
मुलुकी खबर
clock२०८१ चैत १४, बिहीबार १६:४४

काठमाडौं । कुलमान घिसिङलाई बर्खास्त गरेर नेपाल विद्युत प्राधिकरणको कार्यकारी निर्देशकमा नियुक्त गरिएका हितेन्द्रदेव शाक्यले सर्वोच्च अदालतमा रिट दर्ता गराएका छन् ।

उनले बुधबार सर्वोच्चमा रिट निवेदन दिएका थिए । बिहीबार दर्ता भएको हो । सर्वोच्चमा दर्ता रिटमा शाक्यले विद्युत प्राधिकरणमा कुलमान घिसिङको कार्यकाल बाँकी नरहेको जिकिर गरेका छन् ।

तत्कालीन सरकारले २०७८ साल साउन २५ गते शाक्यलाई कार्यकारी निर्देशकबाट हटाएर घिसिङलाई नियुक्त गरेको थियो । शाक्य त्यतिबेला जल तथा ऊर्जा आयोगमा तानिएका थिए । अहिलेको सरकारले घिसिङलाई बर्खास्त गरेर शाक्यलाई प्राधिकरणको कार्यकारी निर्देशकमा नियुक्त गरेको हो ।

शाक्यले त्यतिबेलाको सरकारविरुद्ध सर्वोच्चमा रिट दायर गरेका थिए । उक्त रिटको किनारा सर्वोच्चले हालसम्म लगाएको छैन । आफ्नो कार्यकाल बाँकी रहँदाको बखत नियुक्त भएका घिसिङको नियुक्ति नै अवैधानिक भएको शाक्यले जिकिर गरेका छन् । अहिले घिसिङको कार्यकाल बाँकी नै नरहेको जिकिर उनको छ ।

‘शाक्यको कार्यकाल साढे ३ वर्ष भन्दा लामो समय बाँकी नै रहँदा घिसिङलाई कार्यकारी निर्देशक नियुक्ति गरिएको रहेछ । अहिले फेरि घिसिङलाई हटाएर शाक्यलाई नियुक्ति दिइएको छ । त्यसमा घिसिङले आफ्नो कार्यकाल बाँकी छँदै हटाइयो भन्न मिल्ने अवस्था होइन । ‘शाक्यको पदावधि बाँकी छँदै नियुक्त भएका घिसिङको कार्यकाल बाँकी रहन सक्दैन । अहिले शाक्यलाई नियुक्त गर्ने विषयमा त्यो हानिकारक हुन सक्दैन भन्ने हाम्रो तर्क छ,’ १ जना कानुन व्यवसायीले भने ।

अहिले शाक्यको ठाउँमा अरु कसैले नियुक्ति पाएको भए घिसिङले कार्यकालको प्रश्न उठाउने ठाउँ हुने उनको भनाइ छ । तर, शाक्य नै नियुक्त भएर आएकाले घिसिङले कुनै जिकिर गर्न नमिल्ने तर्क गरिएको छ ।

आफूलाई तत्कालीन सरकारले बर्खास्त गरेको नभइ सरुवा गरेको र त्यो आफूले अस्वीकार गरिसकेको अवस्थामा प्राधिकरणबाट त्यस अवधिमा पाउनुपर्ने सेवा सुविधासमेत दिलाई पाउँ भन्ने माग शाक्यले गरेका छन् ।

प्राधिकरणको कार्यकारी निर्देशकबाट बर्खास्त गरिएका घिसिङको रिट पनि बिहीबार नै सर्वोच्चमा दर्ता भएको छ । आफ्नो कार्यकाल बाँकी छँदै अवैधानिक रुपमा हटाइएको भन्दै घिसिङले सरकारको निर्णय कार्यान्वयन गर्न नहुने माग राखेर रिट दायर गरेका हुन् । दुवै जनाको रिटमाथि शुक्रबार प्रारम्भिक सुनुवाइ हुने सम्भावना रहेको सर्वोच्च अदालत प्रशासनले जनाएको छ ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.