
काठमाडौं । भारतले थप ६ सय मेगावाट विद्युत दिनेभएपछि तत्कालका लागि लोडसेडिङको जोखिम हटेको छ । इन्डियन इनर्जी एक्सजेञ्जले थप ४ घण्टा ६ सय मेगावाट विद्युत दिने भएपछि लोडसेडिङको जोखिम हटेको हो ।
विद्युत आयातका लागि ऊर्जा जलस्रोत तथा सिँचाइ मन्त्री दीपक खड्का एवं परराष्ट्रमन्त्री डा.आरजु राणाले पहल गरेको बताइएको छ ।
भारतले दिने भनेको विद्युत ढल्केवर–मुजफ्फरपुर प्रसारण लाइनबाट नेपालमा आउने छ ।
भारतले जुन ३० सम्मका लागि इन्डियन इनर्जी एक्सचेन्जबाट सोलार आवरमा १ हजार ४ मेगावाट विद्युत् उपलब्ध गराउँदै आएको थियो ।
नेपालमा सुक्खायाममा हुने विद्युत् समस्या समाधानका लागि भारतसरकारसँग थप विद्युत् माग गरेकोमा भारतले सहमति जनाएको मन्त्री खड्काले बताए । उनले अब लोडसेडिङ नहुने बताए ।

























