डीआईजी अधिकारीद्वारा इलाम र पाँचथरको निरीक्षण

Share this
796shares
मुलुकी खबर
मुलुकी खबर
clock२०८१ चैत १४, बिहीबार १९:१७

विराटनगर । कोशी प्रदेशका प्रहरी प्रमुख डीआईजी राजन अधिकारीले बिहीबार जिल्ला प्रहरी कार्यालय इलाम र पाँचथरको स्थलगत निरीक्षण गरेका छन् ।

उनले दुवै प्रहरी कार्यालयको भवन, मेस, सम्पूर्ण शाखाहरु र हिरासत कक्षको निरीक्षण गरेका हुन् । निरीक्षणका क्रममा अधिकारीले प्रहरी सेवालाई चुस्त दुरुस्त बनाउँदै नागरिक मैत्री सेवा प्रवाह गर्न प्रहरी कर्मचारीलाई निर्देशन दिए ।

उनले प्रहरीले सबै नागरिकलाई समान व्यवहार गर्नुपर्ने र सेवा पनि त्यही हिसाबले प्रवाह गर्नुपर्नेमा जोड दिए । अपराधिक गतिविधि नियन्त्रण गरी शान्ति सुरक्षाको अवस्था मजवुत बनाउन उनको निर्देशन छ ।

अपराध नियन्त्रण, अनुसन्धान र शान्ति सुरक्षालाई प्राथमिकतामा राखेर जनचतेनामूलक कार्यक्रम प्रभावकारी ढंगबाट अघि बढाउन पनि प्रहरीलाई डीआईजी अधिकारीले निर्देशन दिएका छन् । उनले प्रहरीले आफ्नो आचरण र व्यवहारमा सुधार ल्याएर आफ्नो जिम्मेवारी निर्वाह गर्दै संगठनको हित र उद्देश्य पूरा गर्नेतर्फ लाग्नुपर्नेमा जोड दिए ।

निरीक्षणका क्रममा डीआईजी अधिकारीले उत्कृष्ट कार्यसम्पादन गर्ने इलाम प्रहरी प्रमुख एसपी नारायण कोइरालासहित विभिन्न युनिटमा कार्यरत प्रहरी कर्मचारीलाई पुरस्कृत गरेका छन् । त्यस क्रममा एसपी कोइरालाले इलामको समग्र शान्ति सुरक्षाको अवस्था, जनशक्ति व्यवस्थापन, भावी कार्ययोजना र सुरक्षा चुनौतीका बारेमा जानकारी दिएका थिए ।

त्यस्तै, डीआईजी अधिकारीले उत्कृष्ट कार्यसम्पादन गर्ने पाँचथर प्रहरी प्रमुख डीएसपी कौशलकुमार बुढाथोकीसहित विभिन्न युनिटमा रहेर शान्ति सुरक्षा, अपराध नियन्त्रण र अनुसन्धानमा महत्वपूर्ण भूमिका खेलेका प्रहरीलाई पुरस्कृत गरेका छन् । डीएसपी बुढाथोकीले पाँचथर जिल्लाको समग्र शान्ति सुरक्षाको अवस्था, जनशक्ति व्यवस्थापन, प्रहरीको भावी कार्ययोजना तथा सुरक्षा चुनौतीका बारेमा डीआईजी अधिकारीलाई अवगत गराएका छन् ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.