
दाङ । भारतमा सवारी दुर्घटनामा परेर ४ जना नेपालीको मृत्यु भएको छ । मृतक सबै दाङ तुलसीपुरका रहेको अनुमान छ ।
तीर्थयात्राका लागि बिहीबार बिहान भारत गएकाको स्कोरपिओ गाडी दुर्घटनामा परेर मृत्यु भएको हो । यूपी ३१ एसी ७२०० नम्बरको स्कोरपिओ भारतको बहराइचमा दुर्घटना भएको विभिन्न सञ्चारमाध्यमले जनाएका छन् ।
दुर्घटनामा परेर गाडी चालक तुलसीपुर उपमहानगरपालिका–७ पर्सेनीका ३७ वर्षीय युवराज चापागाईंसहित ४ जनाले ज्यान गुमाएका हुन् । अन्य ३ जनाको पहिचान खुलेको छैन ।
गाडीमा ९ जना सवार थिए । अन्य ५ जना घाइते भएको जनाइएको छ ।

























