पूर्वराजालाई तोकिएको जरिबाना तिर्न विदेशबाट आर्थिक संकलन

Share this
706shares
मुलुकी खबर
मुलुकी खबर
clock२०८१ चैत १७, आइतबार ०६:१७

काठमाडौं । काठमाडौं महानगरपालिकाले पूर्वराजा ज्ञानेन्द्र शाहलाई तोकेको जरिबानाबापतको रकम तिर्नका लागि विदेशबाट आर्थिक संकलन हुन थालेको छ ।

राजावादीहरुले चलाएको आर्थिक संकलन अभियानमा विदेशबाट पनि रकम जुट्न थालेको हो । तीनकुने क्षेत्रमा शुक्रबार राजावादीले हिंसात्मक प्रदर्शन गर्दैै तोडफोड र आगजानी गरेका थिए ।

महानगरले प्रदर्शनका क्रममा फोहोरमैला, बोट बिरुवा तथा रेलिङमा क्षति, वारुणयन्त्रमा क्षतिलगायत शीर्षकमा जरिबाना तिर्नुपर्ने भन्दै पूर्वराजालाई जरिबानाको पत्र काटेको हो । काठमाडौं महानगरपालिकाका मेयर बालेन शाहको निर्देशनमा पूर्वराजा शाहलाई ७ लाख ९३ हजार रूपैयाँ जरिबाना तिर्न पत्राचार गरिएको थियो ।

विदेशमा रहेका राजावादीहरुले क्षतिपूर्तिबापतको रकम बुझाउन आर्थिक संकलन अभियान सुरु गरेका हुन् । यसका लागि पोर्चुगलमा रहेका राजसंस्था पुनःस्थापनका पक्षधर पूर्वपर्यटन प्रवर्धक रमेशराज बास्तोलाले सामाजिक सञ्जालमार्फत यो अभियान थालेका छन् । ‘विदेशमा बस्ने राष्ट्रवादीले तिरिदिऔं यो जरिबाना’ भन्दै उनले आर्थिक संकलन अभियान सुरु गरेका हुन् ।

यसअघि पोर्चुगलका लागि नेपाल सरकारको पर्यटक प्रवर्धक नियुक्त भएका बास्तोला पूर्वराजाको फागुन ७ को सम्बोधनलाई समर्थन गरेपछि उक्त पदबाट निष्कासित भएका थिए । उनै बास्तोलालो विदेशमा बस्ने राजसंस्था पक्षधरहरुबाटै पूर्वराजा शाहमाथि तोकिएको जरिबाना तिर्न आर्थिक संकलन अभियान सुरु गरेका छन् । उनले आफैं ५० हजार दिएर अभियानको सुरुवात गरे ।

अहिले विदेशमा रहेका राजसंस्थाका समर्थक नेपालीहरुले स्वतःस्फूर्त रूपमा आर्थिक सहयोग गर्न थालेको बास्तोलाले सामाजिक सञ्जालमार्फत जानकारी गराए । राजसंस्थाका पक्षधर अंगत देवकोटाको बैंक खातामा क्युवार कोडमार्फत पैसा पठाएर सहयोग गर्न अपिल गरिएको छ ।

साथै संकलित रकम काठमाडौं महानगरलाई जनआन्दोलन समितिका सदस्यमार्फत तिरिदिने उल्लेख गरिएको छ । काठमाडौं महानगरले पूर्वराजा शाहको नाममा जरिबानाको रकम तोकेर विभिन्न शीर्षकमा ८ वटा पत्र काटेको थियो ।

पूर्वराजालाई महानगरले जरिबाना तिराउने

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.