
काठमाडौं । प्रतिनिधिसभा सदस्य सांसद दीपक बोहराको निधन भएको छ ।
राष्ट्रिय प्रजातन्त्र पार्टी (राप्रपा)का वरिष्ठ नेता तथा पूर्वमन्त्री बोहराको उपचारको क्रममा काठमाडौंको ओम अस्पतालमा निधन भएको हो ।
उनी रुपन्देही क्षेत्र नम्बर– ३ बाट निर्वाचित सांसद हुन् । पोस्ट कोभिड समस्याले गर्दा उनी बोल्न नसक्ने अवस्थामा थिए । कोरोना संक्रमणको चार–पाँच महिनापछि बोहराको स्वरमा परिवर्तन आएको थियो । उपचारका लागि उनी भारतको दिल्ली हुँदै अमेरिकाको न्यूयोर्कसम्म पुगेका थिए ।























