धनकुटामा कारभित्र भेटियो ३ सय किलो गाँजा, विराटनगरका प्रिन्स पक्राउ

Share this
768shares
मुलुकी खबर
मुलुकी खबर
clock२०८१ चैत २०, बुधबार १६:३५

धनकुटा । धनकुटामा एउटा कारभित्र ठूलो परिमाणमा लागुऔषध गाँजा भेटिएको छ । त्यसलगत्तै विराटनगर घर भएका कार चालकलाई प्रहरीले पक्राउ गरेको छ ।

साँगुरीगढी गाउँपालिका–६ स्थित भेडेटार–रवि–राँके सडक खण्डमा को १ च ३४७८ नम्बरको मारुती कारबाट ३ सय किलोग्राम (३ क्वीन्टल) गाँजा बरामद भएको कोशी प्रदेश प्रहरी प्रवक्ता एसएसपी भीमबहादुर दाहालले जानकारी दिए । उनका अनुसार मंगलबार राति इलाका प्रहरी कार्यालय भेडेटारबाट गस्तीमा निस्किएको टोलीले शंकास्पद अवस्थाको कारलाई नियन्त्रणमा लिएर खानतलासी गरेको थियो ।

कारबाट कालो प्लाष्टिकले बेरेको १० पोका गाँजा बरामद भएको प्रहरीको भनाइ छ । गाँजा बरामद भएसँगै कारलाई नियन्त्रणमा लिएर प्रहरीले चालक विराटनगर महानगरपालिका–१५ का २६ वर्षीय प्रिन्सकुमार साहलाई पक्राउ गरेको छ ।

लागुऔषध गाँजा लोड गरिएको कारसहित पक्राउ परेका साहलाई जिल्ला प्रहरी कार्यालय धनकुटाको हिरासतमा राखिएको छ । उनीविरुद्ध लागुऔषध ऐनअन्तर्गतको मुद्दा चलाउन प्रहरीले म्याद थप गरेर अनुसन्धानको बाँकी प्रक्रिया अघि बढाएको छ ।

प्रहरीका अनुसार साहले उक्त गाँजा कहाँबाट ल्याएका हुन् र कहाँसम्म लैजान खोजेका थिए भन्ने यकिन भइसकेको छैन । अनुसन्धानबाट थप कुरा प्रष्ट हुने प्रहरीको भनाइ छ ।

तपाइको प्रतिक्रिया
गौरको कानुपट्टी सीमा क्षेत्रबाट ९ एमएमका २७ थान गोली बरामद
कार्कीको रिटमा सर्वोच्चमा प्रारम्भिक सुनुवाइ हुँदै
राष्ट्रिय आविष्कार केन्द्रबाट कम्प्युटर चोरी, सीसीटीभीमा कैद भयो घटना
पाँच स्थानीय तह भूमिसम्बन्धी समस्यामुक्त घोषणा
रुसमा सैन्य कार्गो विमान दुर्घटना, चालक दलसहित १९ जनाको मृत्यु
एनपिएलमा अनलाइन सट्टेबाजी गरेको आरोपमा भारतीय नागरिक पक्राउ  
विराटनगरलाई लजिस्टिक हब बनाउन कार्गो रेल सञ्चालनमा जोड
मोरङ र उदयपुरमा दुर्घटना : तीन जना घाइते, दुईको अवस्था गम्भीर
स्थानीय चुनावको तयारीमा एमाले, बुधबारदेखि राष्ट्रिय भेला
विराटनगरमा कराँते छनोटका क्रममा खेलाडी घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.