
काठमाडौं । गत चैत १५ गते काठमाडौंको तीनकुनेमा भएको अराजक प्रदर्शनपछिको घटनाको निष्पक्ष छानबिन गर्ने प्रधानमन्त्री केपी शर्मा ओलीले बताएका छन् ।
थाइल्यान्डको भ्रमण सकेर शनिबार स्वदेश फर्किएका प्रधानमन्त्री ओलीले विमानस्थलमा पत्रकार सम्मेलन गर्दै निष्पक्ष छानबिन गर्ने बताएका हुन् । उनले न्यायिक छानविन पनि हुनसक्ने बताए ।
‘न्यायिक छानबिन नहुन पनि सक्छ, हुन पनि सक्छ । तर, छानबिन निष्पक्ष हुन्छ,’ प्रधानमन्त्री ओलीले भने, ‘सबै कुरामा न्यायिक छानबिन नै हुनुपर्छ भन्ने छैन । त्यो हामी विचार गर्छौं । निष्पक्ष छानबिन गर्ने कि न्यायिक छानबिन गर्ने भनेर ।’

























