माओवादी केन्द्र विराटनगरको दोस्रो सम्मेलन वैशाख ७ मा हुँदै 

Share this
636shares
मुलुकी खबर
मुलुकी खबर
clock२०८२ बैशाख ४, बिहीबार १२:००

विराटनगर । नेकपा माओवादी केन्द्र विराटनगर महानगर समितिको दोस्रो सम्मेलन वैशाख ७ गते विराटनगरमा हुने भएको छ ।

महानगर समितिले आज (बिहीबार) पत्रकार सम्मेलन गर्दै वैशाख ७ र ८ गते दोस्रो सम्मेलन गर्न लागेको जानकारी गराएको हो ।

महानगरका अध्यक्ष नवीन पौडेलले महानगरको दोस्रो सम्मेलनको उद्‌घाटन वैशाख ७ र बन्द सत्र ८ गते हुने जानकारी दिए । उनका अनुसार सम्मेलनको उद्‌घाटन पार्टीका केन्द्रीय अध्यक्ष पुष्पकमल दाहालले गर्ने भएका छन् ।

दोस्रो सम्मेलनका वडा स्तरबाटै प्रतिनिधि छनौट भइसकेको छ । ३ सय ५६ जना प्रतिनिधिले ९९ सदस्यीय नयाँ कार्य समिति चयन गर्ने छ ।

चयन भएका ९९ सदस्यबाट १ जना अध्यक्ष, ३ जना उपाध्यक्ष, १ जना सचिव, १ जना सहसचिव र १ जना कोषाध्यक्ष चयन गर्दै नयाँ समिति बन्ने अध्यक्ष पौडेलले बताए ।

सम्मेलनका लागि ३ सय ५६ जना प्रतिनिधिसहित ३५ जना पर्यवेक्षक, २५  जना स्वयंसेवक छनौट भइसकेका छन् ।

युवा, महिलासहित पूर्ण समावेशी प्रतिनिधित्वसहितको नयाँ कार्य समिति बन्ने अध्यक्ष पौडेलले बताए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.