
विराटनगर । पहिरो गएपछि कोशी राजमार्ग आवागमन अवरुद्ध भएको छ ।
कोशी राजमार्गअन्तर्गत संखुवासभाको भोट खोला खण्डमा पहिरो गएपछि बाटो अवरुद्ध भएको हो ।
मकालु गाउँपालिका –३ आलफाट्टेमा बुधबार (आज) बिहान पहिरो खसेपछि सडक अवरुद्ध भएको प्रहरीले जनाएको छ ।
मंगलबार रातभर पानी परेपछि एकुवा खोलामा आएको बाढीले कटान गर्दा पहिरो खसेको र पहिरो पन्छाएर सडक खुलाउने प्रयास जारी भइरहेको प्रहरीले जनाएको छ ।























