हावाहुरीले ताप्लेजुङमा घरगोठ भत्कायो

Share this
770shares
मुलुकी खबर
मुलुकी खबर
clock२०८२ बैशाख १५, सोमबार ०९:५६

ताप्लेजुङ । आइतबार साँझ ताप्लेजुङमा आएको हावाहुरीले स्थानीयको घर तथा गोठमा क्षति गरेको छ । प्रहरीका अनुसार जिल्लाको मिक्वाखोला गाउँपालिका र फुङ्लिङ नगरपालिकामा बढी क्षति गरेको हो ।

ताप्लेजुङका प्रहरी प्रमुख प्रहरी नायव उपरीक्षक रवि रावलका अनुसार मिक्वाखोला गाउँपालिका –२ खोक्लिङ वैराखुका विनोद शेर्पाको घर हावाहुरीले उडाएको छ ।

काठपात र जस्तापाताको प्रयोग गरी निर्माण भएको शेर्पाको एकतले घर हावाहुरीले पल्टाएर पूर्णरुपमा क्षति गरेको थियो ।

हावाहुरीले शेर्पाको घर उडाएर पल्टाउँदा करिव पाँच लाख मूल्य बराबरको क्षति भएको छ ।

फुङ्लिङ नगरपालिका –१० फुरुम्बुमा पनि हावाहुरीले घर तथा पशुचौपाया राख्ने गोठका छाना उडाएको छ । फुङ्लिङ नगरपालिका –१० फुरुम्बुका वडाध्यक्ष सन्तोष लिम्बूका अनुसार हावाहुरीले मयाम टोलका स्थानीय मानबहादुर लिम्बूको घरको छाना उडाएको छ । मयामकै धनबहादुर लिम्बूको भान्सा घरको छाना र सुरबहादुर खत्रीको बस्तुगोठको छाना उडाएको छ ।

हावाहुरीले फुरुम्बुका विभिन्न ठाउँमा रुखहरु ढलेर विद्युत सेवा अवरुद्ध भएको छ ।

आइतबारको हावाहुरीले जिल्लाका अन्यत्र क्षेत्रमा पनि क्षति गरेको हुनसक्ने प्रहरीले जनाएको छ ।क्षतिको विवरण संकलनको काम भइरहेको जिल्ला प्रहरी कार्यालय ताप्लेजुङले जनाएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.