हिउँदे वर्षासँगै परेकाे चट्याङले पाँच जिल्लामा क्षति

Share this
719shares
मुलुकी खबर
मुलुकी खबर
clock२०८२ बैशाख १५, सोमबार १६:२०

विराटनगर । हिउँदे वर्षासँगै परेको चट्याङले कोशी प्रदेशको पाँच जिल्लाामा क्षति पुर्याएकाे छ ।

कोशी प्रदेश प्रहरी कार्यालय विराटनगरका अनुसार आइतबार र साेमबार संखुवासभा, झापा, भोजपुर, तेह्रथुम र उदयपुरमा चट्याङ लागेर पशुचौपाय मरेका छन् । व्यक्तिकाे घर गाेठमा पनि क्षति पुगेकाे छ ।

संखुवासभाको मकालु गाउँपालिका– ३ मा चट्याङले लागेर १२ वटा भैंसी, ४ वटा गाई र १ वटा गोरु मरेको छ । बैशाख १४ गते दिउँसो वर्षा संगै परेको चट्याङले लागेर चरनमा चरिरहेको अवस्थामा स्थानिय पुष्पलाल भण्डारीको ८ वटा भैसी, एउटा गाई, प्रेम प्रसाद भण्डारीको ४ वटा भैंसी, २ वटा गाई र कृष्ण राईको एउटा गाई र एउटा गोरु मरेको हो ।

झापामा सोमबार दिउँसो १२ बजे हल्दिबारी गाउँपालिका– २ का जयराम मुर्मुको गोठमा चट्याङ पर्दा २ वटा गाई १ वटा बाछी १ वटा बाख्रा र एउटा पाठो मरेको छ ।

भोजपुरको आमचोक गाउँपालिका– ३ का हरि सुवेदीको गोठमा चट्याङ पर्दा एउटा भैंसी र पाँडो मरेको छ ।

तेह्रथुमको लालीगुँरास नगरपालिका– ५ की गीता कार्कीको ३ तल्ले घरमा चट्याङ पर्दा गारो चर्किएको र घरको भित्र रहेको अन्नपात, भाडा वर्तन, लत्ताकपडा जलेको प्रहरीले बताएको छ । कार्कीको गोठमा रहेका २ वटा बाख्रा पनि मरेका छन् ।

उदयपुरको रौतामाई गाँउपालिका– ५ का चक्रबहादुर राईको घरमा चट्याङ पर्दा २ तले घर र एउटा सुंगुरसमेत जलेको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.